আমি অসমীয়া ✍ পল্লৱ চৌধুৰী

আজি অসমীয়া জাতি বিপদত

কিমান অপমান সহিম,

কিমান যে তৃষ্ণা ?

ৰজাঘৰীয়াৰ চলনাৰ বলি হৈ

কিমাননো সহিম বেদনা ?

বিদেশীৰ আগমন,

তাহানিও আছিল

আজিও একেই আছে,

সলনি কি হৈছে ?

জাতিৰ নায়কৰূপীজন আজি চোন

খলনায়কলৈ ৰূপান্তৰিত হৈছে ।

এতিয়া যে ---

"আমি অসমীয়া, নহয় দুখীয়া"

বুলিলেই নহ'ব,

নহ'লে নিজ মাটিতে

মগনিয়া হ'বগৈ লাগিব ।

--- হে অসমীয়া !

                 এলাহবোৰ এৰ,

                 জাগি উঠ,

                 দে যুজঁ,

                 এতিয়াও বৈ আছে তোৰ দেহত

                 অহৰ্নিশে বীৰ লাচিতৰ তেজ ।

আহ ওলাই বাহিৰলৈ

জাৱৰবোৰ পৰিষ্কাৰ কৰি

সীমাৰ সিফালে দলিয়াবৰ হ'ল,

আকৌ এবাৰ অসমীয়াৰ পৰিচয়

সকলোৰে আগত

দাঙি ধৰিবৰ হ'ল ।

✍ পল্লৱ চৌধুৰী