কুইজ বিষয় বস্তু - অসমীয়া সাহিত্য ; এপ্ৰিল ২০১৯ সংখ্যা
বিষয় বস্তু : অসমীয়া সাহিত্য
[১] সৰ্বভাৰতীয় ‘কথা’ পুৰস্কাৰ, সাহিত্য অকাডেমী বঁটা, অসম উপত্যকা বঁটা আৰু অসম প্ৰকাশন বঁটা এজন ব্যক্তিয়ে লাভ কৰিছিল ক্ৰমে । সেই পুৰোধা ব্যক্তিজন কোন?
[২] অসম সাহিত্য সভাৰ সভানেত্ৰী পদয় অধিষ্ঠিত, পদ্মশ্ৰী উপাধি লাভ কৰা তেওঁ আছিল প্ৰথম মহিলা। ‘অলকানন্দা’ গ্ৰন্থৰ বাবে তেওঁ লাভ কৰিছিল সাহিত্য অকাডেমী বঁটা। কি নাম আছিল তেওঁৰ?
[৩] প্ৰথম অসমীয়া স্কুলীয়া আলোচনীখনৰ নাম কি? সেইখন ক’ৰ পৰা প্ৰকাশ পাইছিল?
[৪] অসমীয়া ভাষাৰ প্ৰাচীন নিদৰ্শন থকা প্ৰথম পুথিখনৰ নাম কি?
[৫] প্ৰসিদ্ধ চিন্তাবিদ ড° হীৰেণ গোঁহায়ে কোনখন গ্ৰন্থৰ বাবে সন্মানীয় সাহিত্য একাডেমী বঁটা লাভ কৰিছিল?
[৬] ‘মৃত্যুওটো এটা শিল্প / জীৱনৰ কঠিন শিলত কটা নিৰ্লোভ ভাস্কৰ্য ………..’- কোন কবিৰ কবিতা ?
[৭] ৰসৰাজ লক্ষ্মীনাথ বেজবৰুৱাদেৱে ৰচনা কৰা অসমৰ জাতীয় সংগীত ‘অ মোৰ আপোনাৰ দেশ’……….. ৰ সুৰকাৰ কোন আছিল?
[৮] অসমত প্ৰথম ইংৰাজী অসমীয়া (Anglo assamese) অভিধান কোনে প্ৰণয়ন কৰে?
[৯] প্ৰথম অসমীয়া লেখিকা গৰাকীৰ নাম কি?
[১০] গুৱাহাটীৰ পৰা প্ৰকাশিত শিক্ষা-বিষয়ক একমাত্ৰ আলোচনীখনৰ নাম কি?
যোৱা মাৰ্চ সংখ্যাৰ উত্তৰাবলী: বিষয়বস্তু: ভ্ৰাম্যমাণ থিয়েটাৰ
১ উ: নটৰাজ থিয়েটাৰ (পাঠশালা), ১৯৬৩ চন ।
২ উ: উত্তম বৰুৱা আৰু নটসূর্য ফণী শর্মা (নটৰাজ থিয়েটাৰ) ।
৩ উ: মাধৱী বৰুৱা আৰু গৰিমা হাজৰিকা ।
৪ উ: নটসূর্য ফণী শর্মা, অনুপমা ভট্টাচার্য আৰু ব্ৰজেন বৰুৱা (নটৰাজ/পূর্বজ্যোতি) ।
৫ উ: 'মিৰি জীয়ৰী' (মঞ্চ কোঁৱৰ) আৰু 'অসীমত যাৰ হেৰাল সীমা' (কহিনুৰ) ।
৬ উ: 'মুখ্যমন্ত্ৰী', নাট্যকাৰ মহেন্দ্ৰ বৰঠাকুৰ (হেঙুল থিয়েটাৰ) ।
৭ উ: প্ৰভাত শর্মা ।
৮ উ: 'বেউলা' (নটৰাজ থিয়েটাৰ)।
৯ উ: 'অৱলা বর্মন, মুন থিয়েটাৰ (চামতা) ।
১০ উ: 'ক্লিওপেট্ৰা', নাট্যৰূপ পদ্ম বৰকটকী (কহিনুৰ থিয়েটাৰ) ।
যোৱা মাৰ্চ সংখ্যাৰ ভাগ্যসালি ৩ ব্যক্তি হল ক্ৰমে -
১) বীণা দাস - যোৰহাট ।
২) স্বপ্না বর্মন - গুৱাহাটী ।
৩) নীলকুমুদ ভট্টাচাৰ্য - পাঠশালা ।
কুঁহিপাঠৰ সমূহ পৰিয়ালৰ তৰফৰ পৰা আপোনালোকক পুৰস্কৃত কৰা হব। সংগ্ৰহ কৰিবলৈ আমাৰ যোগাযোগ বিভাগত জৰিত হওক। ধন্যবাদ ।
মন্তব্য কৰক