তোমাৰ বাবে অপেক্ষা - ৰমেন চাংমাই

তুমি আহিবা দেই আঁহতৰ 

তলৰ নৈৰ ঘাটলৈ

মই ৰৈ থাকিম তোমালৈ

আঁহতৰ তলত ৷

নৈ পৰীয়া কঁহুৱাৰ তালে তালে

ইকৰা ,খাগৰিৰ তলে তলে

মনৰ বতৰা দিম হৃদয় খুলি ৷

তুমি আহিবা দেই

প্ৰাণ খুলি হৃদয়ৰ আবেগবোৰ 

ঢালি দিম তোমাৰ কোমল অন্তৰত

তুমি আৰু মই সাতোঁ ৰঙী

সপোন ৰচিম আকাশ লংঘী ৷

জীৱনে -মৰনে , শয়নে-সপোনে

চিৰ দিন প্ৰৱাহিম বোৱতী নদীৰ দৰে

ভালপোৱাৰ মৰমবোৰ বুকুত সাৱতি

ভাল পোৱাৰ স্নেহৰ আৱেগবোৰ

গলি যাব নিদিওঁ

কমাৰে জুইত লোৰ পোৰাৰ দৰে ৷

তুমি আহিবা দেই

বহু অপেক্ষা কৰিম মই

আঁহতৰ তলত তোমাৰ বাবে ....

অকল শৰীয়াকৈ 

আনে নেদেখাকৈ ৷

ৰমেন চাংমাই

৮৬৩৮১৭৭৭২৬

*******************************************************************************