প্ৰশ্ন � শংকুমনি বৰা
বেশ্যালয়ৰ তিৰোতা যদি 'বেশ্যা' হয়;
বেশ্যালয়ৰ পুৰুষ তেন্তে কি?
অশ্লীলতা যদি আমাৰ ঠিকনা হয়;
অশ্লীল ভদ্ৰতা মানে কি?
শাৰীৰিক পোচাকেই যদি আমাৰ পৰিচয়......
আপোনাৰ কামাতুৰ শৰীৰৰ সিপাৰে কি?
আমি বেশ্যা
আপুনি সভ্য
আমি নিষিদ্ধ
আপুনি পূজনীয়
আমি সমাজৰ বিষবাষ্প
আপুনিটো সমাজ সংস্কাৰক
আমি গৰ্হিত
আপুনি আপোনাৰ পুৰুষত্বত গৰ্বিত
আমি যদি নষ্ট পৃথিৱীৰ ঠিকনা....
ডাঙৰীয়া
তেন্তে আপুনি বাৰু কি?
প্ৰশ্ন-শৰীৰ বেচা গৰাকী যদি বেশ্যা হয়....
শৰীৰ কিনা গৰাকীৰ নাম কি?"
শংকুমনি বৰা
মন্তব্য কৰক